День памяти преподобного Георгия почитают 20 апреля

В ближайший понедельник представители православной христианской церкви будут почитать память о преподобном Георгии, который был митрополитом Митиленским, добродетелем и смиренным монахом, который начал служение Господу в совсем юном возрасте.

История праздника, биография святого

Во время правления Льва Исаврянина Георгий потерпал от гонений со стороны иконоборцев. За это его и начали именовать Исповедником.

В период правления Константина Профирородного святого Георгия возвели на архиерейскую кафедру в городе Митилены, который считался столицей на живописном греческом острове Лесбос.

На протяжении всей своей жизни он был образцовым верянином, соблюдал целомудрие и чистоту, а по мнению летописцев он жил как ангел. Также считалось, что у него есть дар чудотворца и он мог исцелять различного формата болезни, даже те, которые считались неизлечимыми. Помимо этого, он часто помогал изгонять нечистых духов.

Кроме этого, Георгий был милосердным и от всей души помогал милостыней нуждающимся, обездоленным и малоимущим.

Под конец своей жизни в 815 году при правлении Льва Армянина, который был иконоборцем, митрополита Митиленского изгнали в Херсонес. Там он и погиб, а в момент его гибели над Митиленой на небесах появилась яркая звезда.

Как молиться святому?

После своей гибели преподобный Георгий продолжал творить чудеса и исцелять людей, а также помогать в разрешении самых тяжелых жизненных ситуаций. Каждому, кто нуждается в его помощи, необходимо лишь обратиться к нему с соответствующими просьбами. Если их сердца чисты и верят в благодатные возможности подвижника, страждущим рано или поздно можно ожидать ответа на свои молитвы. Позволяется и просто молиться словами, однако рекомендовано использовать специально созданные тексты молитв.

Молитвы преподобному Георгию Митиленскому

Канон святому преподобному Георгию Митиленскому

Пе́снь 1.

Ирмо́с: Пе́снь возсле́м, лю́дие, чу́дному Бо́гу на́шему, свободи́вшему Изра́иля от рабо́ты, пе́снь побе́дную пою́ще и вопию́ще: пои́м Тебе́, Еди́ному Влады́це.

Зарю́ благоутро́бия мне́, Христе́, испо́лньшемуся прегреше́ний и грехи́ лю́тыми, возсия́й, Ще́дре, и мра́к отжени́ моего́ ослепле́ния мольба́ми Твоего́ иера́рха.

Всю́ возде́лал еси́, му́дре, боле́зньми и по́ты твои́ми воздержа́ния зе́млю и, се́я в се́рдцы пшени́цу Ду́ха, кла́с безстра́стия прине́сл еси́, Гео́ргие блаже́нне.

На ра́мена кре́ст тво́й взе́м, и земны́я красоты́ мироде́ржцу тмы́ отве́ргл еси́, Христу́ после́довав, и сокро́вище стяжа́л еси́ невеще́ственнаго Ца́рствия Его́.

Богоро́дичен: Ору́жие и приста́нище тве́рдое, и сте́ну, и кре́пость, и Боже́ственное основа́ние, и мо́ст, и покро́в, Твое́, Богоневе́сто, иму́ще предста́тельство, от бе́д избавля́емся все́х.

Пе́снь 3.

Ирмо́с: Не́сть свя́т, я́ко Госпо́дь, и не́сть пра́веден, я́ко Бо́г на́ш, Его́же пое́т вся́ тва́рь: не́сть пра́веден па́че Тебе́, Го́споди.

На высоту́ вше́д, блаже́нне, доброде́телей, и во глубины́ ду́ха досто́йно воззре́в, и виде́ния прия́телище бы́в, преподо́бне, водворя́ешися со а́нгельскими ли́ки.

Обнища́в ду́хом, обогати́лся еси́, му́дре, Ца́рством невеще́ственным, в не́мже ста́ду твоему́ сокро́вища ве́чная ве́рно предугото́вал еси́, те́мже тя́ ублажа́ем.

Простото́ю, преподо́бне, и кро́тостию душе́вною уподо́бился еси́ нра́вы твои́ми и исправле́ньми Иа́кову и показа́лся еси́ чистото́ю ду́ха Изра́иль, у́м, зря́й Бо́га.

Богоро́дичен: Безо́тча родила́ еси́, безма́терня пре́жде Тебе́, и я́ко Младе́нца дои́ла еси́, Пита́ющаго вся́, Его́же моли́ спасти́ся ве́рно пою́щим Тя́ госпо́дственно, Богоро́дицу Чи́стую.

Седа́лен, гла́с 8.

Смире́ния высото́ю све́тел бы́в, возноше́ния вра́жия до конца́ потреби́л еси́, хра́брствовав све́тло; ми́лостив же бы́в, о́тче преподо́бне, оби́льным подая́нием а́лчущия удовли́л еси́. Те́мже нестаре́ющуюся по сме́рти насле́довал еси́ пи́щу, ра́дуяся во ве́ки, Гео́ргие иера́рше блаже́нне. Моли́ Христа́ Бо́га прегреше́ний оставле́ние дарова́ти пра́зднующим любо́вию святу́ю па́мять твою́.

Сла́ва, и ны́не, богоро́дичен: Я́ко де́ву и еди́ну в жена́х, Тя́, без се́мене ро́ждшую Бо́га пло́тию, вси́ ублажа́ем, ро́ди челове́честии: о́гнь бо всели́ся в Тя́ Божества́, и я́ко Младе́нца дои́ши Зижди́теля и Го́спода. Те́м, а́нгельский и челове́ческий ро́д, досто́йно сла́вим пресвято́е Рождество́ Твое́ и согла́сно вопие́м Ти́: моли́ Христа́ Бо́га согреше́ний оставле́ние дарова́ти покланя́ющимся ве́рою пресвято́му Рождеству́ Твоему́.

Крестобогоро́дичен: А́гнца и Па́стыря и Изба́вителя, А́гница зря́щи на Кресте́, восклица́ше, пла́чущи, и, го́рько рыда́ющи, вопия́ше: ми́р у́бо ра́дуется, прие́мляй Тобо́ю избавле́ние, утро́ба же Моя́ гори́т, зря́щи Твое́ распя́тие, е́же терпи́ши за милосе́рдие ми́лости. Долготерпели́ве Го́споди, ми́лости бе́здно и исто́чниче неисчерпа́емый, умилосе́рдися и да́руй согреше́ний оставле́ние, ве́рою пою́щим Боже́ственныя Стра́сти Твоя́.

 

Пе́снь 4.

Ирмо́с: Из горы́ приосене́нныя, Сло́ве, проро́к, еди́ныя Богоро́дицы, хотя́ща воплоти́тися богови́дно усмотри́ и со стра́хом славосло́вяше си́лу Твою́.

Ты́ душе́вный кора́бль спа́сл еси́ от страсте́й ве́щнаго треволне́ния, во приста́нище устреми́лся еси́ и тишину́ воздержа́ния, о́тче преподо́бне.

Ангелови́ден ра́зум стяжа́в, Тро́ическое от а́нгел песнопе́ние послу́шал еси́, бы́в во изступле́нии смы́сла твоего́, прехва́льне.

Ты́, мы́сленною пра́щею вооружи́вся, я́коже ино́го Голиа́фа, кня́зя тмы́, гордя́щася, низложи́л еси́, иера́рше, Дави́дски и боже́ственною ве́рою твое́ю.

Богоро́дичен: Наде́жда и предста́тельство ми́ра, Богоро́дице, моли́ из Тебе́ Воплоще́ннаго о рабе́х Твои́х, Тя́ бо свято́е очисти́лище стяжа́вше, от греха́ избавля́емся.

Пе́снь 5.

Ирмо́с: От но́щи неве́дения богове́дением просвети́вый концы́, просвети́ мя́ у́тром человеколю́бия Твоего́, Го́споди.

Тя́, я́ко чистоты́ сто́лп и целому́дрия клю́чь, приснопа́мятне, ве́дуще вси́, да улучи́м у́бо ми́лость моли́твами твои́ми.

Богови́дным прозре́нием во свяще́нный оде́ялся еси́ чи́н, Непоро́чней Де́ве я́ко непоро́чна тя́ в сие́ призва́вшей.

Ми́лости щедро́тство всажде́но име́я и всегда́ соживу́що, бы́л еси́ ни́щим бога́тныя пи́щи де́лателище.

Богоро́дичен: Небе́снаго Влады́ку во утро́бе заче́нши, Всенепоро́чная, была́ еси́ вы́шши небе́с и всея́ тва́ри.

Пе́снь 6.

Ирмо́с: Ри́зу мне́ пода́ждь све́тлу, одея́йся све́том, я́ко ри́зою, многоми́лостиве Христе́ Бо́же на́ш.

Ду́х Всесвяты́й в тебе́ обре́т селе́ние, духо́в лука́вых отгна́в легео́ны моли́твами твои́ми.

Тишины́ яви́лся еси́ река́ и струя́ кро́тости, от ни́хже напая́емся пото́ка сла́дости, преподо́бне о́тче.

Умертви́в плотски́я сла́сти, ду́хом ожи́л еси́, и мене́ же, страстьми́ па́дшаго, возста́ви, сла́вне.

Богоро́дичен: Сло́во во утро́бе, И́же от Отца́ безле́тно возсия́вша, в ле́то зачала́ еси́ Бо́га Сло́ва па́че сло́ва, Присноде́во.

Пе́снь 7.

Ирмо́с: О́троки ороси́вый в пещи́ и Де́ву сохрани́вый, ро́ждшую Тя́, по рождестве́, благослове́н еси́, Бо́же оте́ц на́ших.

Осия́нием Ду́ха Боже́ственнаго, е́же отсю́ду проразуме́л еси́ к лу́чшим преставле́ние твое́, и ны́не лику́еши, преподо́бне, во о́нех оби́телех.

Я́ко звезде́, я́вльшуся тебе́, житие́м и заре́ю боже́ственною чу́вствы просвеще́нну, преставле́ние, преподо́бне, твое́ звезда́ провозвести́.

В черто́г Вы́шняго Ца́рствия, оде́ян, вше́л еси́ досто́йно и восклони́вся с Женихо́м, преподо́бне, на трапе́зе невеще́ственныя сла́дости.

Богоро́дичен: Небе́сныя Тя́ си́лы, я́ко Ма́терь Жи́зни все́х, по до́лгу дорино́сят и воспева́ют, Влады́чице, я́ко Предста́тельство ду́ш на́ших.

Пе́снь 8.

Ирмо́с: Богоглаго́ливии о́троцы, в пещи́ со огне́м пла́мень попира́юще, поя́ху: благослови́те, дела́ Госпо́дня, Го́спода.

Богоуправля́емое име́я се́рдце, страсте́й мои́х мра́чную, о́тче, отжени́ бу́рю и ко приста́нищу тишины́ твоея́ наста́ви.

Насажде́н при боже́ственных исхо́дищах любве́ во́д, дре́во жи́зни возрасти́ и плоды́ благоче́стия во вре́мя отда́л еси́.

Я́ко вра́чь неисце́льных неду́гов и отгони́тель нечи́стых духо́в, блаже́нне Гео́ргие, и моего́ греха́ неду́г уврачи́.

Богоро́дичен: Кто́ изрече́т Боже́ственное рождество́ Твое́, Богороди́тельнице Мари́е? Вся́ко бо естество́ диви́тся земноро́дных и а́нгел, и Тя́ ублажа́ют.

Пе́снь 9.

Ирмо́с: Проявле́нное на горе́ законополо́жнику во огни́ и купине́, Рождество́ Присноде́вы, в на́ше ве́рных спасе́ние, пе́сньми немо́лчными велича́ем.

Твои́х сле́з исто́чники безстра́стия возде́лал еси́, преподо́бне, ра́й непоро́чно и многооби́лен пло́д изно́сиши, пита́я доброде́тельми боже́ственное ста́до.

Ты́ чи́сто Бо́гу прине́сл еси́ служе́ние и, ве́ры, преподо́бне, тече́ние соверши́в, ны́не прия́л еси́ вене́ц пра́вды из руки́ Христа́ Подвигополо́жника.

Дне́сь игра́ет и лику́ет ве́рных мно́жество, мона́хов стада́, свяще́нников собо́ри: тя́ бо вси́ о́браз спасе́ния обрето́ша, и пра́вилу изображе́ние.

Богоро́дичен: Богому́жно Твое́ рождество́, Всенепоро́чная Отрокови́це, я́ко Бо́га су́ща и Зижди́теля веко́в моля́щи не оскудева́й непреста́нно, спасти́ ду́ши воспева́ющих Тя́.